الشاعر طارق المحياس

كفايه صار لك شهرين غايب عني يالغالي
كفايه يا اعز الناس ترى والله ما اقدر
دخيلك لا تخيب فيك هقواتي وامالي
واذا انها على الصبر والله وغلاتك عندى راح اصبر
ابا اتحمل عنا فرقاك وحالي يرثي لحالي
مع اني والله لين اليوم مدري ليش بس تهجر
ابعرف شو السبب ارجوك وشلي بس يجرالي
انا اش سويت يا ربي عشان تثور وتتفجر
انا والله ما استاهل ابد كل الي يجرالي
اقل ما فيها بس قلي سبب خلاك تتغير
ابا اعرف بس شو الموضوع علامك صرت ما تبالي
بذمت كل اهلك بيوم شفتني بشي انا مقصر
عطيتك قلبي وروحي وهبتك حالي ومالي
حملت احساس هالدنيا وعطيته لك وانا افخر
عشقتك عشق لاقبله ولا بعده انعشق تالي
هويتك موت واتخيل الين الموت واتصور
واذا جاني مسج منك مخزن رقمك الغالي
ولا امسح رسالاتك اتم اقراها وافكر
واحلل كل كلمه بالمسج الله يا غربالي
واقول بخاطري معقوله حاسس فيني ويشعر
وارد اقول لا يمكن تذكرني وهو سالي
لاني توني مطرش مسج طرش مسج يشكر
وارد اقول لا ادري يبيني وحاسس بحالي
وارد اقول لا ما ظن على باله انا اخطر
الين اني انا اتاكدت قلبه بالفعل خالي
ولا غيري انا بقلبه يحبني موت ويقدر
لاني مره من المرات طرت فكره على بالي
نويت ازعل بدون اسباب واشوفه لو بيتاثر
ابا اعرف قدري بقلبه يهمه وضعي الحالي
او انه راح يطنشني ولا يسال ويستفسر
وفعلا دق ما جاوبت حرقلي والله جوالي
ثلاث تالاف مره دق وانا مطنش ولا معبر
كتبلي بالمسج اطلع انا عند بابك الحالي
قسم بالله ما تطلع ل خربها انا واحدر
ومشكلتي اعرفه زين يسويها ولا يبالي
نزلت وخاطره مكسور يقول وش فيك متغير
وقلته بس ابا اتاكد اذا قدري معك عالي
ضحكلي وقالي اتاكدت ودمعه بلل المحجر
وطارت فيني الدنيا لمكاني صاحبي جاني
تعذرلي وانا الغلطان وانا الي لازم اتعذر
بعدها عشنا احلى ايام في قربه هنيا لي
وصلنا لمرحله ما نفترق عن بعضنا وكثر
بعدها فجاه خلاني ولا يسال عن احوالي
وانا في خاطري ادري محال في يوم يتغير
ادق له ما يجاوبني بديت اشك في حالي
اخاف انه حصله شي اخافه بس متكدر
لعب في قلبي الوسواس خياله ما تهيالي
حوالي الف مسج طرشت حبيبي يا عسا ما شر
ولا جاوب وانا قاعد على اعصابي وغربالي
حبيبي صارله اسبوع فيني حتى ما فكر
الين اني عرفت اشلون اخلي خلي الغالي يكلمني
وجت فكره بعد ما مت وانا افكر
وفعلا اتصل فيني وبدت احزاني واهوالي
وكانت صدمتي كبيره علي الغالي يتكدر
سالته قلتله وش فيك ما من شر يالغالي
وش الي صار بالدنيا علامك ليش متبعثر
او انك يعني ما تدري بدونك صرت انا لحالي
ولا لي خلق اي انسان كثر ما فيك انا افكر
وجاوبني وقال ارجوك ابي هالدنيا تصفالي
انا مليت من وضعي واشوف الكل متغير
انا ضاقت بي الدنيا وابي ابقى انا لحالي
خلاص اتركني لاتسال وانا برجع عقب اشهر
وقتله مو علي تكذب اعرفك تضعف قبالي
تكلم قول شو الموضوع بدا قلبي يدق اكثر
سكت لحظه وقال ارجووك ابعد عني يالغالي
وخلني اذكرك بالخير وانتا مثلي اتذكر
ولا تطرش مسج واحد ولا تدقلي ابد تالي
واذا لي خاطرن عندك لاتتكلم ابد سكر
وقتله والله ما سكر الين اتقول وتصفالي
وقالي والله ما تكلم ولو تبكي دمع احمر
ولكن شوف ربعك وانت تعرف بس وش جالي
خلاص افهمها عالطاير لاتحرجني بعد اكثر
وسكر والدمع فيني على الخدين همالي
قسم بالله ما ادري علامه قلبه اتحجر
فؤادي انهار وانا حملي يهد اجبال واجبالي
في لحظه صارت الدنيا بعيني هالكبر واصغر
حسافه ما توقعته يصدق فيني عذالي
حسافه ما هقيته يوم يصد عني ويتغير
بعدها صار لي ما صار وربي يعلم بحالي
فؤادي باقي بس اشوي واحسه من الجسم يظهر
بديت اعرق مدري ليش وخابت كل امالي
انا توقعت كل الناس ولا توقعت اهو ينكر
وقلت بخاطري خله مصيره يرجع الغالي
اكيد انه سمع اي شي وجوه صار متعكر
ولكن طول اغيابه وزادت فيني اعلالي
مرض قلبي تعب فكري واحس جسمي متخدر
وقلت خلني اطرشله مسج واشكيله احوالي
وطرشت المسج وشوي دقلي ودون ما افكر
هلا والله يا اغلى الناس هلا والله بالغالي
الو طارق ما قتلك لاتذكرني او اذكر
ابي بس اذكرك بالخير ياخي خلني في حالي
وقلت وخاطري مكسور انا اسف وما اكرر
قسم بالله لين اليوم وحالي يرثي لحالي
قسم بالله لين اليوم ولا ادري ليش هو اتغير
قسم بالله ما غضت عيوني ولا هدا بالي
قسم بالله ما مر يوم الا وفيه انا افكر
قسم بالله قلت بنساه بس طيفه يتهيالي
قسم بالله لو حاولت انا انساه اتذكر
الين اليوم انا عندي امل يرجع ويصفالي
اقول الشوق بيرده على فرقاي ما يقدر
الين اليوم ضحكاته وبسماته على بالي
الين اليوم ما ارقد كثر ما فيه انا افكر
ابا اعرف شو السبب ارجوك وشلي بس يجرالي
انا اش سويت يا ربي عشان تثور وتتفجر
انا والله ما استاهل ابد كل الي يجرالي
اقل ما فيها بس قلي سبب خلاك تتغير
ابا اعرف بس شو الموضوع علامك صرت ما تبالي
بذمت كل اهلك بيوم شفتني بشي انا مقصر
انا راح انتظر ردك ولو حتى بمسج خالي
واذا ما جاني منك الرد وغلاتك عندي راح اصبر
سنه سنتين الي يهم اشوفك ثاني اقبالي
ثلاث سنين او اربع ابا اصبر يعني راح اصبر
ولكن حكم احساسك وجاوب يا اغلى كل غالي
بذمت والديك يهون تنساني ولا تذكر
يهون انك تخليني ولا تسال ولا تبالي
يهون انك تنام الليل وتتركني انا اسهر
كفايه صارلك شهرين غايب عني يالغالي
كفايه يا اعز الناس ترى والله ما اقدر
دخيلك لاتخيب فيك هقواتي وامالي
واذا انها على الصبر والله وغلاتك عندي راح اصبر
واذا انها على الصبر والله وغلاتك عندي راح اصبر

وااايد حلو الكلام يعور القلب ثانكس :|