حجاب بو تفخة ؟!

موضوع: حجاب بو تفخة ؟! 26/6/2008, 10:53 am

بسم الله الرحمن الرحيم
السلام عليكم و رحمة الله و بركاته

أعضاء منتدانا إشلونكم ؟؟؟ :bball: عساكم بخير اليوم أنا موضوعي عن ظاهرة بايخة انتشرت في مجتمعنا :no:
(( حجاب بوتفخة مادري بونفخة مادري بو بالونه ))
المهم أكيد الكل عرفه لأن هالأيام وين متروح تشوفه في المجمعات في المدارس في الجامعات حتى في المستوصفات !!! >>> أنا بفهم وحده مريضة و حالتج حاله إشلون لج خلق توقفين جدام المنظرة ساعة عشان تتفخين راسج !!! :scratch:
أبيكم كلكم تعطوني رايكم اوكي
و انا ببدا و أقول هذي حركة سخيفة و مالها داعي و السبب :-
1) الإسلام حرمها في حديث الرسول صلى الله عليه و سلم (( صنفان من أهل النار لم أرهما قوم معهم سياط كأذناب البقر يضربون بها الناس و نساء كاسيات عاريات مميلات مائلات رؤوسهن كأسنمة البخت المائله لايدخلن الجنة ولايجد ريحها و إن ريحها لتوجد من مسيرة كذاو كذا )) أسنمة البخت = سنام الجمل
يعني من صجكم بتكونون من أهل النار عشان تحطون قوطي روب ولا شباصة كبيرة من بو إمية في روسكم :x

2) ممنوعة في المدارس لأنها تزعج الطالبات المسكينات مثلي لووول يعني في الصف قعدت جدامي و حده حاطه حجاب بوتفخة أنا تأذيت ماني قادرة أشوف اللوحة !! جاان أقولها حبيبتي يا ترجعين ورا يا تشيلين هالخيمة إلي ناصبتها في راسج !!! أنا شنو ذنبي ماشوف !!!

3) بتقوليلي موضة بقولج هلااااااقه ( ياربي الناس صارت ماتفرق بين الموضة و الهلاقة يعني واحد يمشي و سرواله طالع يقولي موضة لو ويست !!!)
4) كل الناس قاعدين يطنزون عليج و إذا قصدج تعجبين الشباب ترا حتى الشباب يطنزون على إلي تحط حجاب بوتفخه (والله البنت جمالها بأخلاقها و دينها

الله يستر على حبايبي بنات المنتدى و يحفظهم يارب إذا انا غلطانة في إلي قلته قولولي ماعندي مشكلة انا حاطه الموضوع للنقاش ابي افهم ليش انتشر جذي ؟!
ارجوا من كل عضو يدخل يقولي هل عاجبتك هذي الموضه ؟ هل شكلها حلو ؟ شنو رايك في البنت إلي تحطه ؟ و شنو تقولون للبنات إلي يحطونه ؟
يعطيكم العافية

موضوع: رد: حجاب بو تفخة ؟! 26/6/2008, 12:35 pm

والله زبوطه انتي سبقتيني بهالموضوع بغيت احطه قبلج لووول
انا اسمي هالحجاب بوبازوكا لووول وصراحه مصخره لدرجه مو طبيعيه وبعض البنااات يبالغون فيه واايد والله من بعيد مرات اشوفهم جنه راس مخلوق فضائي شي يفشل حده وفديت اللي حجابها طبيعي بدون لا روب ولا نخي واصلن انا مااحب اللي جي وكله اعيب عليهم
وتسلمين ع الموضوع

موضوع: رد: حجاب بو تفخة ؟! 26/6/2008, 4:19 pm

لوووووووووووووووووووول بو بازوكا هااا ههههههه
إي والله معاك حق في بعضهم يبالغون والله عبود محدود رايك على عيني و راسي و تسلم على المرور

موضوع: رد: حجاب بو تفخة ؟! 27/6/2008, 2:07 am

ارجوا من كل عضو يدخل يقولي هل عاجبتك هذي الموضه ؟

طبعاً لا

هل شكلها حلو ؟

هم لا

شنو رايك في البنت إلي تحطه ؟

هيلقيه

و شنو تقولون للبنات إلي يحطونه ؟

ممفس شي الحجاب العادي

و مشكوره على الموضوع و تسلم ايدج

موضوع: رد: حجاب بو تفخة ؟! 27/6/2008, 9:29 am

والله الصراحه شي بايخ
يا تلبسون حجاب عدل ولا لا تلبسونه بو تفخه
بو طلقه مادري شنو!!

موضوع: رد: حجاب بو تفخة ؟! 27/6/2008, 1:54 pm

السلام عليكم .. تسلم الانامل ع المناقشة الجادة

ارجوا من كل عضو يدخل يقولي هل عاجبتك هذي الموضه ؟

طبعا لأ .. وييع اصلاا هذي مو موضة .. و بالعكس
اشوف ما فيها شي حلو و اصلا حرام

هل شكلها حلو ؟

شاللي حلو فيها .. تلووع الجبد .. الله يهديهم بس

شنو رايك في البنت إلي تحطه ؟

رايي انها تقلد تقليد اعمى . و ما عندها ذوووق
و خلتلبس حجاب سنع نفس الاوادم !!@@

و شنو تقولون للبنات إلي يحطونه ؟

الله يهديج و ترى هالتفخة ماراح تفيدج و لا راح اطولج .. لووول
و بعدين مو اي موضة امشي وراها و اي صرعة اقلدها ..
و ياا حلات الحجاب الطبيعي :p

يعطيكم العافية

انتي اللي يعطيج العافية ع الطرح الطيب

موضوع: رد: حجاب بو تفخة ؟! 28/6/2008, 10:30 am

يعطيكم العافية على المرور الحمدلله لما ألحين مافي أحد مع هالموضة البايخة

موضوع: رد: حجاب بو تفخة ؟! 29/6/2008, 6:25 pm

هل عاجبتك هذي الموضه ؟
heeeeeeeell nooo
هل شكلها حلو ؟
weeeeeeeeeeeeeeee3
شنو رايك في البنت إلي تحطه ؟
38eeedyaaaaaaaaaaaaaa
و شنو تقولون للبنات إلي يحطونه ؟
lwa3too chbdy kl ma arooo7 mkaaaan ashooof el2araaaaaaaaaaaaaaaaaaf

p.s
waalaa 5oooooosh maku wala bnt hny 3ajbha elstyle :P

موضوع: رد: حجاب بو تفخة ؟! 30/6/2008, 6:28 pm

لووووووول سوسو انتي حدج حاطه عليهم بس ماالومج صج ارف
ثاااانكس على المرور

موضوع: رد: حجاب بو تفخة ؟! 4/7/2008, 6:59 pm

حجاب بو تفخة لوعة وخياس وانا أقول هذي هلاقة وملاقه شنو تستفيد يعني لي حطت هالجبل فوق راسها يعني أنا
شعري طويييل ولا تلفت انتباه وأنا الصراحة لما أشوفهم ويكونون معاي بالصف أقول لها شنو هذا ؟؟
ولما تقولي موضه أقول لها من قاص عليج وأزفها لانه يغث

موضوع: رد: حجاب بو تفخة ؟! 7/7/2008, 7:42 pm

منوره الزين كله و بصراحة انا هم اقول عنها هلاقه و ملاقه