تقول وحده من الامهات ..
( كنت معزومة على حفلة عشاء فخذيت بنتي الصغيرة معاي ، فلما قعدنا حولين البوفيه ظنت انه مطعم وقالت بصوت عال : هذا الأكل بفلوس والا ببلاش؟؟ فضحكوا عليها الموجودين..)
والثانية ...
( يونا ضيوف ويابوا معهم هديه للمولود الجديد فكان ولدي يبي فتحها فقلت له ( اصبر لين مايروحون) صار يدخل ويطلع ولما مل الولد من الانتظار دخل وقال بصوت مرتفع ... (خلاص أبفتحها شكلهم بينامون عندنا )
وقالت وحده بعد ...
( رحنا في زيارة لعمات زوجي ، وحده منهم كبيره في السن قلت لولدي حب راسها فرفض وقال ( ريحة راسها شينه ) -يقصد الحناء- شوفوا الإحراج اللي صار لي )
كما قالت..
(يتني وحده من صديقاتي وكانت ملامحها تشبه دول شرق أسيا فقعدت بنتي تطالعها بقوه لما قلت لها عيب ردت وقالت ( شكلها خدامة )
( اخذت من اختي جنطة ورحنا لحفله ومعنا بنت اختي ولما وصلنا وفصخت عبايتي حتى شافت لجنطة وقامت تسحبها بقوة وهي تقول ( حقت ماما هاتيها ) وانا احاول اسكتها !!! )
و وحده تقول ..
( زوجي كان عنده ضيوف على العشاء وحطيت العشاء كله لهم وكان ولدي يبي يتعشى قلت له: اذا خلصوا الرياييل بنتعشى.. رحت اسوي لهم الجاي ...وهو دخل على الضيوف وقال لهم ( لا تخلصون العشاء لانا بنتعشى أنا وأمي بعدكم ) شوفوا ويه ابوه وقتها )
وحده تقول بنتها دايم تحرجها بنقل الكلام قدام الناس تقول : مره كنت أكلم صديقتي بالهاتف وكنت أقولها عن وحده من جاراتي وإني ما أطيقها دمها ثقيل وإذا يت تقعد عندي بالساعات في بيتي وتحب الكلام الكثير ومره دق الباب وطلعت جارتي قلت لها : تفضلي ويتها بنتي الصغيره وقالت بصوت عالي : يمه هذي جارتنا اللي دمها ثقيل واللي إنتي ماتحبينها طيب ليش تدخلينها البيت تقول الأم : صار وجهي مية لون ويوم سمعت جارتي هذا الكلام زعلت وطلعت من البيت 000!!
هذا موقف حصل لي ومع اقاربي : كنا بنصلي المغرب جماعه في احدى الاستراحات وكان امامنا طفلين , الاول يقول للثاني : انا اسم امي فاطمه , ايش اسم امك انتا؟؟؟؟ يرد عليه الولد الثاني وهو اصغر منه بكثير : اسم امي ماما. وهاتك ضحك وحنا نصلي استغـفـر الله ما قدرنا نمسك الضحكه
كانت المعلمة تشرح لطالبات الصف الثالث الابتدائي عن وسائل الاتصال الحديثة مثل الهاتف والتلكس والبريد الجوي والفاكس فرفعت احدى الطالبات الصغيرات يدها وقالت: ابله حنا عندنا فاكس في البيت عند جدتي وتستعمله كل يوم00!! فشجعتها المدرسة على اكمال حديثها وقالت: وكيف تستخدمونه؟ فقالت الطفلة: تدهن به 0-البنت بالطبع كانت تقصد الفكس- 000!!
احدى الأمهات تعودت أنها تطالع ولدها الصغير يطارد الدجاجات ويدخلها الى محلها ويحرص على ابقاء الديك في الخارج وعندما سألته عن السبب قال: ذولا حريم ما يطـلعـن من البيت ويشوفن الرجال000!!
طفلة في الروضة كانت تعبث بأنفها اثناء الحصة ... فانتقدتها المعلمة وقالت لها استعملي المنديل عيب اتسوين كذا فأجابت الطفلة (( لا مو عيب بابا يسوي كذا )).... لووووووووول اهم شي
دعيت العائلة للعشاء عند أحد أقارب الزوج واثناء تناول الطعام كانت صاحبة المنزل تضـيّـف الأم وتصر عليها ان تأكل صحناً آخر بينما كانت تمتنع فرد الطفل بلهفة لأنقاذ امه من المأزق .... (( لا تحطين لها صحن ثاني ترى بابا يقولها لا تكثرين أكل انتفختي ))...
و أختم بهذي النكتة: ولد و ابنه راكبين الباص , صورة الرئيس فلان معلقه في المقدمه
-الولد : بابا بابا مو هذا اللي قلت عنه حمار ؟
-الاب: لمين هالولد يا اخوان ؟
واللي عنده موقف ظريف يضيفه و ناطر ردودكم :lol: :pirat:
