الفرق بين التيربو والتون تيربو والسوبر شارج
اول شي كلهم يشتغلون على نظام اعادة ضغط الهواء
التيربو يفتح من سرعات عاليه او على حسب الشخص الي يبغي يفتح البوست مال التيربو مثلا عندما يصل الار بي ام عند الخمسه او السته
او اذا وصلت سرعة السياره مثلا 60 بعدين يفتح , وممكن يحطه من الصفر بعد بس بيتاذا في مشي الموتر ........تخيل فاتحه من الصفر كيف بتمشي بالموتر ههههههههه كله حرق ( ويلات )
انزين التون تيربو نفس التيربو لكن الفرق هو انه يتكون من 2 تيربو واحد صغير والثاني كبير , الصغير حق البدايه يعني من الصفر والكبير يفتح بعدين .
وبالنسبه للسوبر شارج هذا عاد غير , هذا يوصل بسير مروحة السيارة فتحصله يشتغل من الصفر , من تشغل السيارة يشتغل معاه , وهذا السوبر اغلب الشباب يستخدمونه للبر لانه شغال من الصفر وبقوه كبيره .
نوع ثاني من السوبر شارج وهو الاقوى ويستخدمونه الحق السيارات القويه والكبير الي مكاينها تتحمل مثل الامريكي خاصة الجمس, الي هو سوبرشارج اينتاك الي ينحط فوق المكينيه وشغلته انه يدخل هواء ويضغطه بقوه ويعطي المكينه قوة رهيبه بعض المكاين ما تستحمله هو شغال فتر ه طويله عادي تنفجر المكينه
وعلى فكره حتى الطيارات الي تسعتمل مكاين بستن,يستعلمون فيها التيربو والسوبر بس مع الفرق في الحجم بين الي يستعملون في السيارات والي في الطيارات. بس حق الطيارات اذا بتطير على ارتفاعات كبيره يستعملون التيربو لانه يشتغل على الضغط الي طالع من البستن اما السوبر فضغطه يعتمد على ضغط الجو فالضغط يقل كلما ارتفعنا فوق وبهاية الطريقه ضغط السوبر يخف و ما ينفع الطياره.
لكن تلاحظ ان اقوى السيارات هي الي عليها تيربوا , لان التيربو شي انواع منه واحسن نوع هو الاسترالي (تيربو سنجل).
والهيدرز هذا شغلته يريح المكينه في حال وجود التيربو .
والبلو فالف هذا شغلته يزيد ضغط التيربو , ويعطي التيربو صوت عجب
الفلتر يعطي الموتر سحبيه على الخط ويدخل هوى زياده , يزيد حوالي 10 احصنه
والكام هذا هو كهربة السياره واذا كان ضابط عدل عادي يقطع التيربو
انشالله تكونو استفدتو من هذي المعلومات البسيطه والسطحيه عن التضبيط
