المسلسلات التركية .: نقاشي :.

السلام عليكم و رحمة الله و بركاته

هالايام نلاحظ المسلسلات التركية منتشرة واايد عندنا

و صار الكل يتابعها من صغار و شباب .. مراهقين و مراهقات .. حتى الكبار .. و الاهالي ؟

ابي رايكم و تعليقكم على الموضوع

هل انتوا من متابعي هالنوعية من المسلسلات ؟
شنو سبب تعلق الناس و اعجابهم بالمسلسلات التركية بالذات؟
ليش صار مهند و نور و لميس و يحيى و عمر و غيرهم محط اعجاب الكل ؟
مثل ما سمعنا و شفنا الاخبار الي قامت تطلع عن طلاق او انفصال زوجين بسبب هالمسلسلا ت شنو تعليقكم ؟

بقولكم مواقف صارت معاي :

* كنت ذاك اليوم طالعة و لا اشوف شلة بنات اعمارهم من 12-14 سنة كلهم لابسين تي شيرتات على صورة لميس!! >>>>>> و بعدين شنو المغزى !

* للأسف ام و عيالها صغار 3-6 سنين ملبستهم تي شيرتات على صورة مهند مع نور و الصورة ما تناسب اعمارهم و ما تناسب المنظر العام >>> يعني انتي امهم !!

* رفيجتي تقولي يدتها كانت تطالع سنوات الضياع و مادري شنو صار و احترقت ستارة دارها
ارتفع ضغطها ودوها المستشفى .. قالولها ما تسوى عليج عشان ستارة يرتفع ضغطج .. جان ترد " اليدة " " ليش يحيى ما يرد حق لميس >>>>>> لا تعليق

و الله هالمسلسلات غزت بيوتنا و المشكلة الكل و كل النغمات الحين على سنوات الضياع و مادري شنو !!و وين ما تمشون تلاقون صورهم ://

بقلمي : شخابيط

ههههههههههههههههههه اي حددددددددده حتى انا منصدمه من هالسالفه

هل انتوا من متابعي هالنوعية من المسلسلات ؟
لا كلللللللللللللللللللللللش ما اطالعه
شنو سبب تعلق الناس و اعجابهم بالمسلسلات التركية بالذات؟
موووووووووووووودري ساليهم
ليش صار مهند و نور و لميس و يحيى و عمر و غيرهم محط اعجاب الكل ؟
عشان مهند حلو لوول
مثل ما سمعنا و شفنا الاخبار الي قامت تطلع عن طلاق او انفصال زوجين بسبب هالمسلسلا ت شنو تعليقكم ؟
نو كومنت لوووووووووووووول
بعد انا بقولكم موقف مره منتدى صارت بينهم سالفه بسبه مهند لانه الصبيان محترين منه لووووووووووول

لووووووول مع تطور العالم بالتكنولوجيا وتسابق باجي الدول في التطور الفكري للاسف نرى في ديارنا العربيه الزياده في التخلف الفكري والانسياق مع المسلسلات والفنانين...
ولا بذمتك سبب حالات الطلاق صارت بسبة ممثل؟؟
شي يفشل دام هاذا عقل الانسان العربي البالغ عيل شنقول للطفل والمراهق؟؟
الحمدلله اني ماتابع هالمسلسلات خيييييييييير شر
وقتلج سبب اللي يصير هو قلة التفكير بالشي الصح وانا منصدم من تعلق الناس بهالمسلسلات
؟؟
الله لايبلانا وقواج الله ع الطرح

سوسو : حياج الله حبيبتي شاكرة مشاركتج

عبود بدون حدود : كلامك عدل و احنا عمرنا ما نتطور مع افكارنا المتخلفة هذي
لأنه ماشالله الغرب و الدول الثانية تدور لنا اللي يشغلنا و يعطلنا فكرنا عشان اهمه يسبقونا و يتفوقون علينا :/

الله يصلح الحال و شاكرة تعليقك

soosoo كتب:: مهند لانه الصبيان محترين منه لووووووووووول

فهمت قصدج و انا عن نفسي ما احتر من واحد اعوذ بالله منه خليني ساكت بعدين ما يحتر الا الي نفسه و انتي فاهمة قصدي عدل منو الي نفسه تسلمين مديرتنا على الطرح

هل انتوا من متابعي هالنوعية من المسلسلات ؟
انا اي أشوووف
شنو سبب تعلق الناس و اعجابهم بالمسلسلات التركية بالذات؟
يمكن لأن أحسن من مسلسلاتنا احنا كله مكياج ودراريع وبراطك وعيون ومادري شنو
ليش صار مهند و نور و لميس و يحيى و عمر و غيرهم محط اعجاب الكل ؟
مممم لأن يمكن الناس تبي تعيش تجربتهم
مثل ما سمعنا و شفنا الاخبار الي قامت تطلع عن طلاق او انفصال زوجين بسبب هالمسلسلا ت شنو تعليقكم ؟
هذيل الناس يبون خراب بيوتهم
وأنا بعد سمعت ان في مرة ويا زوجها قالت له ودي بس يووم واحذ أقعد مع مهند وعلى طول الريال طلقها

ذا غد فاذر : ما قرينا ردك ع الاسئلة و شكرا ع المرور

الزين كله : مشكورة حبيبتي ع المشاركة

لوووووووول إي والله انا مافي شي صدمني كثر الناس إلي تطلق عشان ممثل و مادري شنو :shock:
وربي ناس متخلفة و انا بصراحة موفاضية اقعد اطالع و انا من النوع إلي مالي خلق كل يوم كل يوم ارتز جدام التلفزيون بنفس الوقت فما اتابع هالمسلسلات :bounce:
بس بصراحة مهند حلووووووووووووو لوووول الحين اصكه عين :geek:
انا اعرف مهند و نور و اعتقد الناس حبوهم لأنا القصة حلوة بس لميس و يحيى و عمر ماعرفهم :P
ثااااااانكس مديرتنا على الطرح

أول شي يسلمووووو على الموضوع الحلو
وحبيت بس اوضح شغله انا اشوف هالمسلسلات بس المشاكل الي تصير في الناس من طلاق وغيره
مو المسلسلات اهي السبب الناس اهم السبب بطريقة تفكيرهم وعلى حسب عقولهم الي عقله كبير ما يخسر نفسه والي حواليه علشان مسلسل او بطل ولا بطله وشكرا على الموضوع

زبوطة :

اقتباس :: "لميس و يحيى و عمر ماعرفهم "

لووول هذولي ابطال سنوات الضياع :p
شاكة مرورج الكريم حبيبتي :> و مشاركتج الحلوة

أنين :

كلامج 100% منطقي و عدل مدل ؛)
الله يهديهم و منوره بطلتج و مشاركتنا ..